రాయికల్ లయన్స్ క్లబ్ ఆధ్వర్యంలో సోమవారం రోజు నిర్వహించిన ఉచిత కంటి వైద్య శిబిరంలో పాల్గొన్న 300 మందికి శ్వేత ట్రేడర్స్ అధినేత లయన్ జెడ్ సి కాటిపెళ్లి రామ్ రెడ్డి లత 25వ వివాహమహోత్సవం సందర్భంగా లయన్స్ క్లబ్ ఆధ్వర్యంలో అన్నదానం నిర్వహించారు. ఈ కార్యక్రమంలో రాయికల్ పట్టణ మున్సిపల్ ఛైర్మెన్ మోర హనుమాన్లు, కంటి వైద్యులు డాక్టర్ ప్రభాకర్,లయన్స్ క్లబ్ డిసీలు మ్యా కల రమేష్,బత్తిని భూమయ్య,అధ్యక్షులు కొమ్ముల ఆదిరెడ్డి,ప్రధాన కార్యదర్శి మోసారపు శ్రీకాంత్,కోశాధికారి గంట్యాల ప్రవీణ్,లయన్స్ క్లబ్ సభ్యులు మచ్చ శేఖర్,కనపర్తి శ్రీనివాస్, ఎద్దండి దివాకర్,బొమ్మ కంటి నవీన్,మండలోజు శ్రీనివాస్,పారిపెల్లి శ్రీనివాస్,ఆడెపు రాంప్రసాద్,కుర్మా సుదర్శన్,కొత్తపెళ్లి రంజిత్,సామల్ల గోపాల్, విద్యాసాగర్ తదితరులు పాల్గొన్నారు.
సుల్తానాబాద్,జూన్ 29 (జనం గొంతు): సుల్తానాబాద్ లయన్స్ క్లబ్ నూతన అధ్యక్షునిగా మాటేటి సంజీవ్ కుమార్ ఏకగ్రీవంగా ఎన్నికయ్యారు.లయన్స్ క్లబ్ ఆఫ్ సుల్తానాబాద్ 23వ ప్రతిష్టాపన మహోత్సవం లో భాగంగా స్థానిక ఇండియన్ పబ్లిక్ పాఠశాలలో శుక్రవారం సాయంత్రం పాఠశాల విద్యార్థుల సాంస్కృతిక కార్యక్రమాలతో ఘనంగా నిర్వహించారు.ఈ కార్యక్రమానికి ముఖ్య అతిథిగా విచ్చేసిన పూర్వ జిల్లా గవర్నర్ లయన్ చిదుర సురేష్ నూతన అధ్యక్షులుగా లయన్ మాటేటి సంజీవ్ కుమార్, కార్యదర్శిగా పిట్టల వెంకటేష్, కోశాధికారిగా పూసాల సాంబమూర్తి,ఇతర కార్యవర్గ సభ్యుల చేత ప్రమాణం చేయించారు.ఈ సందర్భంగా ముఖ్య అతిథి చిదుర సురేష్ మాట్లాడుతూ సుల్తానాబాద్ లయన్స్ క్లబ్ ద్వారా ప్రజలకు అనేక సేవా కార్యక్రమాలు చేశారని ఎంతోమంది పేద విద్యార్థులకు ఆర్థిక సహాయం, కంటిచూపు లేనివారికి ఉచిత కంటి చికిత్స శిబిరాన్ని ఏర్పాటు చేసి అంధులకు ఉచితంగా శస్త్రచికిత్సలు చేయించినారని అభినందించారు.అలాగే నూతనంగా ఎన్నికైన కార్యవర్గం మరిన్ని ఉత్తమ సేవలు చేస్తూ క్లబ్ యొక్క ఔన్నత్యాన్ని పెంపొందించాలని కోరారు.అనంతరం నూతనంగా ఎన్నికైన అధ్యక్షులు మాటేటి సంజీవ్ కుమార్ మాట్లాడుతూ తనపై విశ్వాసంతో ఏకగ్రీవంగా ఎన్నుకున్నందుకు క్లబ్ సభ్యులకు కృతజ్ఞతలు తెలుపుతూ రానున్న కాలంలో క్లబ్ సభ్యుల సమన్వయంతో చక్కటి సేవా కార్యక్రమాలను చేపడుతూ జిల్లాలోనే ఉత్తమ క్లబ్ గా తీర్చిదిద్దుతానని తెలిపారు. ఈ కార్యక్రమంలో పూర్వ జిల్లా గవర్నర్ చిదుర సురేష్, రీజియన్ చైర్మన్ గాలిపెల్లి వెంకట్, జోన్ చైర్మన్ వేముల విష్ణుమూర్తి, జి ఎల్ టి మిట్టపల్లి ప్రవీణ్ కుమార్, జిల్లా కో-ఆర్డినేటర్లు వలస నీలయ్య, మాటేటి శ్రీనివాస్, జూలూరి అశోక్, కొండ రాంబాబు, సుధాకర్, కార్యవర్గ సభ్యులు దీకొండ భూమేష్, గజభీంకార్ జగన్, నవీన్, సంపత్ నూతనంగా చేరిన 10 మంది సభ్యులతో పాటు పాఠశాల డైరెక్టర్ క్రిష్ణప్రియ తదితరులు పాల్గొన్నారు.
సుల్తానాబాద్,జులై 22 (జనం గొంతు ): లయన్స్ క్లబ్,ఐపీఎస్ పాఠశాల ఆధ్వర్యంలో సుల్తానాబాద్ పట్టణ కేంద్రంలో సోమవారం జాతీయ పతాక ఆమోద దినోత్సవ ర్యాలీని ఘనంగా నిర్వహించారు.ఈ కార్యక్రమంలో ముఖ్య అతిథిగా జిల్లా మొదటి ఉప గవర్నర్ లయన్ సింహరాజు కోదండరాములు,సీఐ సుబ్బారెడ్డి జెండా ఊపి జాతీయ పతాక ర్యాలీని ప్రారంభించారు.లయన్స్ క్లబ్ ప్రతినిధులతో పాటు ఇండియన్ పబ్లిక్ స్కూల్ విద్యార్థినీ విద్యార్థులు ఉత్సాహంగా 100 మీటర్ల భారీ త్రివర్ణ పతాకాన్ని పట్టుకొని పట్టణ పురవీధుల గుండా దేశభక్తి నినాదాలతో,ఆట పాటలతో నృత్యాలు చేస్తూ ర్యాలీలో పాల్గొన్నారు.ఈ సందర్భంగా వారు మాట్లాడుతూ బ్రిటిష్ పాలన నుండి స్వాతంత్ర్యాన్ని పొందిన మన దేశ పౌరులకు స్ఫూర్తినిస్తూ జాతీయ సమైక్యతను పెంపొందించడంలో భాగంగా పింగళి వెంకయ్య రూపొందించిన త్రివర్ణ పతాకాన్ని 1947 జూలై 22వ తేదీన మన భారత రాజ్యాంగం ఆమోదం తెలిపిందని దాని యొక్క గొప్పతనాన్ని పవిత్రతను కాపాడడంలో ప్రతి ఒక్కరూ తమ బాధ్యతను విధేయతను చూపాలని సభ్య దేశాలలో అది సగర్వంగా ఎగిరేటట్లు చూడాలని తెలిపారు.ఈ కార్యక్రమంలో క్లబ్ అధ్యక్షులు మాటేటి సంజీవ్ కుమార్,జి ఎల్ టి మిట్టపల్లి ప్రవీణ్ కుమార్,జిల్లా కో ఆర్డినేటర్లు వలస నీలయ్య, మాటేటి శ్రీనివాస్,జూలూరి అశోక్ సభ్యులు పిట్టల వెంకటేశం,పూసాల సాంబమూర్తి,గజబీంకర్ జగన్, నాగమల్ల ప్రశాంత్, చకిలం వెంకటేశ్వర్లు,పూసాల రామకృష్ణ,తూర్పాటి భార్గవ్ కృష్ణ, ఎస్సై శ్రవణ్ కుమార్, ఐపీఎస్ పాఠశాల డైరెక్టర్ మాటేటి క్రిష్ణ ప్రియ ,విద్యార్థినీ విద్యార్థులు,పోలీస్ సిబ్బంది తదితరులు పాల్గొన్నారు.
రాయికల్ ప్రెస్ క్లబ్ అధ్యక్షునిగా నాగమల్ల శ్రీకర్,గౌరవ అధ్యక్షులుగా ఎం.డి ముజాఫర్,ఉపాధ్యక్షులుగా మచ్చ శేఖర్,ప్రధాన కార్యదర్శిగా సింగిడి శంకరయ్య,కోశాధికారిగా గుర్రాల వేణు,సంయుక్త కార్యదర్శిగా నాగిరెడ్డి రఘుపతి,కార్యవర్గ సభ్యులుగా బొమ్మకంటి వెంకటరమణ,పటేల్ నరేందర్ రెడ్డి, బొంగోని శ్రీనివాస్ గౌడ్,వాసరి రవి యాదవ్,వాసం లింబాద్రి,ఎనుగంటి రవి లను ఆదివారం ఏకగ్రీవంగా ఎన్నుకున్నారు.ఈ సందర్భంగా శ్రీకర్ మాట్లాడుతూ ప్రెస్ క్లబ్ అభివృద్ధి,పాత్రికేయుల సమస్యల సాధన కోసం నిరంతరం కృషి చేస్తానని తెలిపారు.
