నల్గొండ జిల్లాలో అక్టోబర్ 15, 16 తేదీల్లో నిర్వహించిన PRTUTS ఆరవ రాష్ట్ర కౌన్సిల్ సమావేశాల్లో రామగుండం మండలానికి చెందిన ఎనిమిది మంది నాయకులు రాష్ట్రస్థాయి బాధ్యతలకు ఏకగ్రీవంగా ఎన్నికయ్యారు. రాష్ట్ర అసోసియేట్ అధ్యక్షులుగా గూళ్ల అంజన్ కుమార్, పెర్కారి శ్రీధర్ రావు, కుంట రామన్న, వెంకటలక్ష్మి ఏకగ్రీవంగా ఎన్నిక కాగా, రాష్ట్ర కార్యదర్శులుగా దూడం శ్రీనివాస్, బూర్తుల సుభాష్, బజ్జూరి ప్రసాద్, బిల్లా సంపత్ ఎన్నికయ్యారు. ఏకగ్రీవంగా ఎన్నికైన నాయకులకు PRTUTS రామగుండం మండల శాఖ అధ్యక్షుడు తాండ్ర ప్రేమ్ కుమార్, ప్రధాన కార్యదర్శి పెరటి రవీందర్, మండల కార్యవర్గ సభ్యులు శుభాకాంక్షలు తెలిపారు. ఈ ఎన్నికలకు సహకరించిన ఎమ్మెల్సీ శ్రీపాల్ రెడ్డి, రాష్ట్ర అధ్యక్షుడు బిక్షం గౌడ్, ప్రధాన కార్యదర్శి భట్టాపురం మధుసూదన్ రెడ్డి, జిల్లా అధ్యక్షుడు గండు కృష్ణమూర్తి, జిల్లా ప్రధాన కార్యదర్శి కానుగంటి శ్రీనివాస్‌లకు రామగుండం మండల శాఖ తరఫున కృతజ్ఞతలు తెలియజేశారు.
రామగుండం నగరంలోని పద్మావతి కాలనీలో ఎంగిలిపూల బతుకమ్మ వేడుకలు శనివారం ఉత్సాహభరిత వాతావరణంలో జరిగాయి. పద్మావతి కాలనీ డెవలప్‌మెంట్ వెల్ఫేర్ అసోసియేషన్ ఆధ్వర్యంలో నిర్వహించిన ఈ సంబరాల్లో మహిళలు పెద్ద సంఖ్యలో పాల్గొని రంగురంగుల పూలతో బతుకమ్మలను అందంగా పేర్చారు. అనంతరం బతుకమ్మల చుట్టూ చేరి సంప్రదాయ జానపద గీతాలు ఆలపిస్తూ, ఆటపాటలతో సందడి చేశారు. తంగేడు, గునుగు, బంతి, చామంతి తదితర పూలతో అలంకరించిన బతుకమ్మలు ప్రత్యేక ఆకర్షణగా నిలిచాయి. మహిళల కోలాటాలు, బతుకమ్మ పాటలతో కాలనీలో పండుగ వాతావరణం నెలకొంది. తెలంగాణ సంస్కృతి, సంప్రదాయాలకు ప్రతీకగా నిలిచే బతుకమ్మ పండుగను భక్తిశ్రద్ధలతో, ఆనందోత్సాహాలతో జరుపుకున్నారు. ఈ సందర్భంగా మహిళలు పరస్పరం శుభాకాంక్షలు తెలుపుకుంటూ ఆత్మీయంగా గడిపారు. బతుకమ్మ వేడుకలు మహిళల మధ్య ఐక్యతను పెంపొందించడంతో పాటు, భావితరాలకు తెలంగాణ సంస్కృతి, సంప్రదాయాల విశిష్టతను తెలియజేస్తాయని పలువురు పేర్కొన్నారు. పూల పండుగగా ప్రసిద్ధి చెందిన బతుకమ్మ వేడుకలు పద్మావతి కాలనీలో సాంస్కృతిక వైభవాన్ని చాటిచెప్పాయి. మహిళల ఆటపాటలు, సంప్రదాయ గీతాలతో ఎంగిలిపూల బతుకమ్మ సంబరాలు కన్నుల పండువగా సాగాయి.
రామగుండం నగర ప్రజలకు భవిష్యత్తులో నీటి కొరత లేకుండా నిరంతరాయంగా 24/7 రక్షిత మంచినీటిని సరఫరా చేయాలనే లక్ష్యంతో రూ.100 కోట్ల నిధులతో ఎనిమిది ఉపరితల జలాశయాల నిర్మాణానికి ఎమ్మెల్యే రాజ్ ఠాకూర్ చొరవ తీసుకొని నిధులు మంజూరు చేయించారని నగర మేయర్ మహంకాళి స్వామి తెలిపారు. శనివారం రామగుండం నగరంలోని 57వ డివిజన్ కాకతీయనగర్‌లో నిర్మాణంలో ఉన్న ఉపరితల జలాశయ పనులను డిప్యూటీ మేయర్ పాతపెల్లి ఎల్లయ్యతో కలిసి మేయర్ పరిశీలించారు. ఈ సందర్భంగా పనుల పురోగతిని అధికారులను అడిగి తెలుసుకున్నారు. అనంతరం మేయర్ మాట్లాడుతూ నగరంలోని అన్ని ప్రాంతాల్లో ప్రతి ఇంటికీ పైప్‌లైన్ల ద్వారా రక్షిత మంచినీరు అందించాలనే ఉద్దేశంతో రూ.100 కోట్ల అంచనా వ్యయంతో వివిధ ప్రాంతాల్లో ఉపరితల జలాశయాలు, పైప్‌లైన్ల నిర్మాణ పనులు చేపట్టినట్లు వివరించారు. ఈ పనులు పూర్తయితే నగర ప్రజలకు నిరంతరాయంగా మంచినీటి సరఫరా అందించేందుకు మార్గం సుగమమవుతుందని పేర్కొన్నారు. అభివృద్ధి పనులకు మరో రూ.50 కోట్లు నగరంలో ఇతర అభివృద్ధి పనుల కోసం ఎమ్మెల్యే రాజ్ ఠాకూర్ మరో రూ.50 కోట్ల నిధులు మంజూరు చేయించారని మేయర్ తెలిపారు. అవసరమైన అనుమతులు వచ్చిన వెంటనే ఆయా పనులను ప్రారంభిస్తామని వెల్లడించారు. ప్రజలకు దీర్ఘకాలికంగా ప్రయోజనం చేకూరేలా నిర్మాణ పనులను నాణ్యతా ప్రమాణాలతో చేపడుతున్నట్లు పేర్కొన్నారు. ఈ కార్యక్రమంలో కార్పొరేటర్లు ముస్తఫా, గట్ల రమేష్, వెంగళ బాపు, నగరపాలక సంస్థ ఏఈ మనోజ్, సూపర్‌వైజర్ శశికుమార్ తదితరులు పాల్గొన్నారు.
రామగుండం నగర ప్రజలకు భవిష్యత్తులో నీటి కొరత లేకుండా నిరంతరాయంగా 24/7 రక్షిత మంచినీటిని సరఫరా చేయాలనే లక్ష్యంతో రూ.100 కోట్ల నిధులతో ఎనిమిది ఉపరితల జలాశయాల నిర్మాణానికి ఎమ్మెల్యే రాజ్ ఠాకూర్ చొరవ తీసుకొని నిధులు మంజూరు చేయించారని నగర మేయర్ మహంకాళి స్వామి తెలిపారు. శనివారం రామగుండం నగరంలోని 57వ డివిజన్ కాకతీయనగర్‌లో నిర్మాణంలో ఉన్న ఉపరితల జలాశయ పనులను డిప్యూటీ మేయర్ పాతపెల్లి ఎల్లయ్యతో కలిసి మేయర్ పరిశీలించారు. ఈ సందర్భంగా పనుల పురోగతిని అధికారులను అడిగి తెలుసుకున్నారు. అనంతరం మేయర్ మాట్లాడుతూ నగరంలోని అన్ని ప్రాంతాల్లో ప్రతి ఇంటికీ పైప్‌లైన్ల ద్వారా రక్షిత మంచినీరు అందించాలనే ఉద్దేశంతో రూ.100 కోట్ల అంచనా వ్యయంతో వివిధ ప్రాంతాల్లో ఉపరితల జలాశయాలు, పైప్‌లైన్ల నిర్మాణ పనులు చేపట్టినట్లు వివరించారు. ఈ పనులు పూర్తయితే నగర ప్రజలకు నిరంతరాయంగా మంచినీటి సరఫరా అందించేందుకు మార్గం సుగమమవుతుందని పేర్కొన్నారు. అభివృద్ధి పనులకు మరో రూ.50 కోట్లు నగరంలో ఇతర అభివృద్ధి పనుల కోసం ఎమ్మెల్యే రాజ్ ఠాకూర్ మరో రూ.50 కోట్ల నిధులు మంజూరు చేయించారని మేయర్ తెలిపారు. అవసరమైన అనుమతులు వచ్చిన వెంటనే ఆయా పనులను ప్రారంభిస్తామని వెల్లడించారు. ప్రజలకు దీర్ఘకాలికంగా ప్రయోజనం చేకూరేలా నిర్మాణ పనులను నాణ్యతా ప్రమాణాలతో చేపడుతున్నట్లు పేర్కొన్నారు. ఈ కార్యక్రమంలో కార్పొరేటర్లు ముస్తఫా, గట్ల రమేష్, వెంగళ బాపు, నగరపాలక సంస్థ ఏఈ మనోజ్, సూపర్‌వైజర్ శశికుమార్ తదితరులు పాల్గొన్నారు.
ఏజెన్సీ ప్రాంతాల్లో తరతరాలుగా నివసిస్తున్న దళిత కుటుంబాల సమస్యలను పరిష్కరించి, వారికి చట్టబద్ధమైన హక్కులు కల్పించేందుకు కృషి చేస్తానని రాష్ట్ర ఐటీ, పరిశ్రమల శాఖ మంత్రి దుద్దిళ్ల శ్రీధర్‌బాబు హామీ ఇచ్చినట్లు ఏజెన్సీ షెడ్యూల్డ్‌ కులాల హక్కుల పోరాట జేఏసీ నాయకులు తెలిపారు\. శనివారం హైదరాబాద్‌లోని మినిస్టర్స్‌ క్వార్టర్స్‌లో జేఏసీ రాష్ట్ర కన్వీనర్ డాక్టర్ మార్షల్‌ దుర్గం నగేష్‌ ఆధ్వర్యంలో ప్రతినిధి బృందం మంత్రి శ్రీధర్‌బాబును మర్యాదపూర్వకంగా కలిసి శాలువాతో సన్మానించింది\. అనంతరం ఏజెన్సీ ప్రాంతాల్లో దళిత కుటుంబాలు ఎదుర్కొంటున్న సమస్యలను వివరిస్తూ వినతిపత్రం అందజేసింది\. ఏజెన్సీ ప్రాంతాల్లో తరతరాలుగా సాగు భూములను అనుభవిస్తున్నప్పటికీ పట్టాలు లేకపోవడంతో అనేక కుటుంబాలు రైతు భరోసా, బ్యాంకు రుణాలు, ఇతర ప్రభుత్వ సంక్షేమ పథకాలకు దూరమవుతున్నాయని జేఏసీ ప్రతినిధులు మంత్రి దృష్టికి తీసుకెళ్లారు\. అర్హులైన ఎస్సీ కుటుంబాలకు సాగు భూములపై చట్టబద్ధమైన హక్కులు కల్పించాలని, భూ బదిలీలు, వారసత్వ ఆస్తుల విభజన సమస్యలను పరిష్కరించాలని కోరారు\. అలాగే అర్హులకు ఉచిత ఇంటి స్థలాలు, ఇందిరమ్మ ఇళ్లు మంజూరు చేయడంతోపాటు ప్రభుత్వ ఉద్యోగ నియామకాల్లో ఎస్సీ రిజర్వేషన్లను సమర్థంగా అమలు చేయాలని విజ్ఞప్తి చేశారు\. రాజకీయ ప్రాతినిధ్యం, దళిత యువతకు ఉపాధి అవకాశాల కల్పనపై ప్రభుత్వం ప్రత్యేక దృష్టి సారించాలని కోరారు\. గిరిజనుల భూ హక్కులకు భంగం కలగకుండా ఏజెన్సీ ప్రాంతాల్లో నివసిస్తున్న దళిత కుటుంబాలకు న్యాయం చేయాలని వినతిపత్రంలో పేర్కొన్నారు\. జేఏసీ ప్రతినిధులు వివరించిన సమస్యలపై మంత్రి శ్రీధర్‌బాబు సానుకూలంగా స్పందిస్తూ, వాటిని ముఖ్యమంత్రి దృష్టికి తీసుకెళ్లి ప్రభుత్వ స్థాయిలో చర్చించి పరిష్కారానికి కృషి చేస్తానని హామీ ఇచ్చినట్లు నాయకులు వెల్లడించారు\. ఈ కార్యక్రమంలో నేతకాని సంఘం సీనియర్ నాయకుడు జాడి రాజయ్య, సమతా సైనిక దళ్‌ నాయకులు ముడిమడుగుల సురేష్, రామటెంకి విశ్వనాథ ప్రతాప్‌ తదితరులు పాల్గొన్నారు
ప్రజా సమస్యల పరిష్కారంలో మున్సిపల్ అధికారుల నిర్లక్ష్యానికి నిరసనగా 51వ డివిజన్ కార్పొరేటర్ ఆకారపు రేఖా మహేష్ వినూత్న నిరసనకు దిగారు. ఏళ్ల తరబడి గుంతలమయంగా మారిన రోడ్లకు మరమ్మతులు చేపట్టాలని పలుమార్లు అధికారులను కోరినా స్పందన లేకపోవడంతో సుమారు రూ.లక్ష సొంత నిధులతో గుంతలు పూడ్చే పనులు చేపట్టారు. డివిజన్‌లోని రోడ్ల దుస్థితిపై గత ఆరు నెలలుగా మున్సిపల్ కమిషనర్‌తో పాటు సంబంధిత అధికారులకు ఫిర్యాదులు చేసినా ఫలితం లేదని కార్పొరేటర్ ఆవేదన వ్యక్తం చేశారు. నాలుగుసార్లు గుంతల కొలతలు తీసి అంచనాలు సిద్ధం చేసినప్పటికీ పనులు ప్రారంభించలేదని తెలిపారు. బతుకమ్మ పండుగ సమయంలోనూ మహిళలు వేడుకలు నిర్వహించే ప్రాంతంలో గుంతలు పూడ్చాలని కోరినా అధికారులు పట్టించుకోలేదని విమర్శించారు. రోడ్లపై గుంతల కారణంగా ప్రజలు ప్రమాదాలకు గురయ్యే పరిస్థితి ఉందని, ప్రజల భద్రతను దృష్టిలో ఉంచుకుని సొంత డబ్బులతో మరమ్మతులు చేపట్టినట్లు పేర్కొన్నారు. పన్నుల వసూళ్లపై చూపించే శ్రద్ధను ప్రజా సమస్యల పరిష్కారంపైనా చూపించాలని అధికారులకు సూచించారు. ఇప్పటికైనా అధికారులు స్పందించి 51వ డివిజన్‌లో రోడ్ల సమస్యలను పరిష్కరించాలని కార్పొరేటర్ ఆకారపు రేఖా మహేష్ డిమాండ్ చేశారు. ప్రజా సమస్యల పరిష్కారం కోసం నిరంతరం పోరాటం కొనసాగిస్తామని స్పష్టం చేశారు.
గోదావరిఖని: తెలంగాణ సంస్కృతి, సంప్రదాయాలకు ప్రతీకగా నిలిచే బతుకమ్మ వేడుకలను గోదావరిఖని మార్కండేయ కాలనీలోని కృష్ణవేణి వికాస్ జూనియర్ కళాశాలలో శుక్రవారం ఘనంగా నిర్వహించారు. రంగురంగుల పూలతో పేర్చిన బతుకమ్మలు, సంప్రదాయ దుస్తుల్లో ముస్తాబైన విద్యార్థినులు, జానపద గీతాలు, చప్పట్ల సవ్వడితో కళాశాల ప్రాంగణం పండుగ శోభను సంతరించుకుంది. కళాశాల చైర్మన్ డాక్టర్ రవికుమార్ నాగండ్ల, డైరెక్టర్ నాగండ్ల జమున, ప్రిన్సిపల్ ఎం. వెంకన్న, వైస్ ప్రిన్సిపల్ ఆర్. నరసింహారావు అధ్యాపకులు, విద్యార్థినులతో కలిసి బతుకమ్మ ఆడి వేడుకల్లో పాల్గొన్నారు. తంగేడు, గునుగు, బంతి, చామంతి, గులాబీ తదితర పూలతో అలంకరించిన బతుకమ్మల చుట్టూ చేరిన విద్యార్థినులు సంప్రదాయ పాటలు పాడుతూ ఉత్సాహంగా సంబరాలు జరుపుకున్నారు. ఈ సందర్భంగా చైర్మన్ డాక్టర్ రవికుమార్ నాగండ్ల మాట్లాడుతూ.. బతుకమ్మ పండుగ తెలంగాణ ఆడబిడ్డల ఆత్మగౌరవానికి, ప్రకృతి ఆరాధనకు, సంస్కృతి వైభవానికి ప్రతీక అని పేర్కొన్నారు. విద్యతోపాటు విద్యార్థులకు మన సంస్కృతి, సంప్రదాయాలు, కుటుంబ విలువలపై అవగాహన కల్పించడం విద్యాసంస్థల బాధ్యత అని తెలిపారు. ఆధునిక యుగంలో యువత తమ మూలాలను మరచిపోకుండా తెలంగాణ వారసత్వాన్ని గౌరవించాలని సూచించారు. డైరెక్టర్ నాగండ్ల జమున మాట్లాడుతూ.. చదువుతోపాటు విద్యార్థుల్లో సాంస్కృతిక చైతన్యం, ఐక్యత, పరస్పర గౌరవాన్ని పెంపొందించేందుకు ఇలాంటి కార్యక్రమాలు దోహదపడతాయని అన్నారు. విద్యార్థినులు సంప్రదాయ పండుగల్లో ఉత్సాహంగా పాల్గొనడం ఆనందంగా ఉందని పేర్కొన్నారు. అనంతరం సంప్రదాయబద్ధంగా బతుకమ్మలను సాగనంపి, వాయనాలు ఇచ్చిపుచ్చుకున్నారు. ఈ కార్యక్రమంలో కళాశాల అధ్యాపకులు, అధ్యాపకేతర సిబ్బంది, విద్యార్థినులు పాల్గొన్నారు.
మంథని, అక్టోబర్ 4: కూచిరాజపల్లి శివారులోని పెద్దమ్మ గుడి తాళ్ల చెట్టు ప్రాంతంలో వ్యవసాయ పొలంలో ఏర్పాటు చేసిన బోర్ మోటార్ చోరీకి గురైంది. సర్వే నంబర్ 34లో అంబటి సతీష్ కుమార్ (S/o మధునయ్య), అంబటి శంకర్‌ (S/o బలరాం)అంబటి సతీష్ కుమార్ (s/o కొమురయ్య) కు చెందిన సుమారు 4.5 ఎకరాల భూమిని శ్రీరామ్‌నగర్‌కు చెందిన అలకుంట రాజు కౌలుకు తీసుకుని వ్యవసాయం చేస్తున్నాడు. ఈ క్రమంలో శనివారం (అక్టోబర్ 3) సాయంత్రం వరకు పొలంలో ఉన్న 5 హెచ్‌పీ టెక్స్మో కంపెనీ బోర్ మోటార్ ఆదివారం ఉదయం కనిపించలేదు. కౌలుదారు అలకుంట రాజు తన సహాయకుడు బాలుతో కలిసి పొలానికి వెళ్లి పరిశీలించగా మోటార్ చోరీకి గురైనట్లు గుర్తించారు. మోటార్ విలువ సుమారు రూ.35 వేలుగా తెలిపారు. ఘటనపై మంథని పోలీసులకు ఫిర్యాదు చేసిన అలకుంట రాజు, చోరీకి గురైన మోటార్‌ను గుర్తించి స్వాధీనం చేసుకోవడంతో పాటు నిందితులపై చర్యలు తీసుకోవాలని కోరారు.
హైదరాబాద్: తెలంగాణ రాష్ట్ర బీజేపీ సంస్థాగత మంత్రి మధుకర్‌జీని బీజేపీ రాష్ట్ర నాయకురాలు సోమారపు లావణ్య అరుణ్‌కుమార్ మర్యాదపూర్వకంగా కలిశారు. ఈ సందర్భంగా పుష్పగుచ్ఛం అందజేసి అభినందనలు తెలిపారు. భేటీలో పార్టీ సంస్థాగత అంశాలు, రామగుండం నియోజకవర్గంలో పార్టీ కార్యక్రమాలు, కార్యకర్తల సమన్వయం తదితర అంశాలపై చర్చించారు. క్షేత్రస్థాయిలో పార్టీని మరింత బలోపేతం చేయడంతో పాటు ప్రజా సమస్యలపై నిరంతరం కార్యక్రమాలు నిర్వహించాలని చర్చించినట్లు తెలిపారు. ఈ కార్యక్రమంలో బీజేపీ రాష్ట్ర నాయకులు, కార్యకర్తలు తదితరులు పాల్గొన్నారు.
రామగుండం, అక్టోబర్ 3: రోడ్డు ప్రమాదాల నివారణతో పాటు ప్రజలకు సురక్షిత ప్రయాణం కల్పించడమే లక్ష్యంగా ట్రాఫిక్ నిబంధనలను కఠినంగా అమలు చేయాలని రామగుండం పోలీస్ కమిషనర్ అంబర్ కిషోర్ ఝా అధికారులను ఆదేశించారు. శనివారం కమిషనరేట్ కార్యాలయంలో ట్రాఫిక్ పోలీసులతో నిర్వహించిన సమీక్ష సమావేశంలో ఆయన పలు సూచనలు చేశారు. భారీ వాహనాలను రహదారులపై ఇష్టారాజ్యంగా నిలిపివేయకుండా చర్యలు తీసుకోవాలని, అవసరమైన ప్రాంతాల్లో కాషన్ బోర్డులు, ముందస్తు హెచ్చరికలు ఏర్పాటు చేయాలని సూచించారు. రాంగ్‌సైడ్ డ్రైవింగ్‌ను అరికట్టేందుకు ప్రత్యేక నిఘా ఏర్పాటు చేసి, నిబంధనలు ఉల్లంఘించే వాహనదారులపై చట్టపరమైన చర్యలు తీసుకోవాలన్నారు. విద్యార్థుల భద్రతపై ప్రత్యేక దృష్టి సారించాలని, ఆటోలు, స్కూల్ వ్యాన్లు, బస్సుల్లో పరిమితికి మించి విద్యార్థులను తరలించకుండా క్రమం తప్పకుండా తనిఖీలు నిర్వహించాలని ఆదేశించారు. వాహనాల ఫిట్‌నెస్, డ్రైవర్ల లైసెన్సులు, స్పీడ్ గవర్నర్లు, భద్రతా ప్రమాణాలను తప్పనిసరిగా పరిశీలించాలన్నారు. హెల్మెట్ లేకుండా ప్రయాణించడం, సీట్‌బెల్ట్ ధరించకపోవడం, నంబర్ ప్లేట్ లేకుండా వాహనాలు నడపడం, మైనర్ల డ్రైవింగ్, ట్రిపుల్ రైడింగ్, సిగ్నల్ జంపింగ్ వంటి ఉల్లంఘనలపై కఠిన చర్యలు తీసుకోవాలని సూచించారు. ప్రమాదాలు జరిగే ప్రాంతాలను గుర్తించి అవసరమైన రోడ్డు భద్రతా చర్యలు చేపట్టాలని తెలిపారు. వాహనదారులు, డ్రైవర్లు, విద్యార్థులు, తల్లిదండ్రులకు నిరంతరం రోడ్డు భద్రతపై అవగాహన కార్యక్రమాలు నిర్వహించాలని సీపీ సూచించారు. సంబంధిత శాఖల సమన్వయంతో పనిచేస్తూ ప్రమాదాల నివారణకు పటిష్ట చర్యలు చేపట్టాలని ఆదేశించారు. సమావేశంలో అదనపు డీసీపీ (అడ్మిన్) కె. శ్రీనివాస్, ట్రాఫిక్ ఏసీపీ శ్రీనివాస్, రామగుండం ట్రాఫిక్ ఇన్స్పెక్టర్ రాజేశ్వరరావు, పెద్దపల్లి ట్రాఫిక్ ఇన్స్పెక్టర్ శ్రీనివాస్, మంచిర్యాల ట్రాఫిక్ ఇన్స్పెక్టర్ హనన్, సీసీఆర్‌బీ ఇన్స్పెక్టర్ అనిల్‌తో పాటు ట్రాఫిక్ ఎస్‌ఐలు పాల్గొన్నారు.
నకిలీ నంబర్ ప్లేట్ వాడుతున్న వ్యక్తి అరెస్ట్: చార్మినార్ పోలీస్ స్టేషన్‌లో క్రిమినల్
May 30, 2026